الكورس ده مناسب لكل اللى عايز يحل مشاكله مع الآخرين ويعيش حياة هادية وسعيدة.
لو عندك مشاكل مع الطرف الآخر أو الأبناء أو الزملاء ... البوصلة بتساعدنا نتعامل مع كل أنواع الشخصيات المختلفة.
هنتعلم أسرار العلاقات وايه أسباب المشاكل والخلافات وازاى نتعامل معاها
فى الكورس الشامل ده هنتعلم كل حاجة عن بوصلة الشخصيات، كل تفاصيلها وأسرارها، هافهم الآخرين وهاعرف بيتصرفوا كده ليه، هاعرف ازاى أتصرف مع كل شخص بالطريقة الصح وازاى أتعامل مع العيب اللى فيه
هاعرف ايه مفاتيح كل شخص عشان يبقى مستجيب ليا أكتر
وازاى أتجنب الحاجات اللى بتقفلهم منى وتخليهم يعندوا معايا
وازاى أعمل كتالوج للتعامل مع كل شخص
وكمان خطة لتطوير نفسى وشخصيتى للأفضل
الكورس مليء بالأمثلة والقصص الواقعية والتفاصيل المتعلقة بكل شخصية
مهما كانت طبيعة المشاكل بينك وبين الآخرين هتلاقى فى البوصلة معلومات مفيدة جدا تساعدك على حل المشالكل وتحسن تواصلك مع الآخرين وتعاملاتكم مع بعض.
لو ابن عنيد، او زوج عصبى، او صديقة بتحب مصلحتها، أو شخص كئيب، أو مدير انتقادى... أيا ما كانت طبيعة المشاكل هتلاقى الحل فى البوصلة.
هنعرف أن البشر ينقسموا إلى 4 أنماط رئيسية حسب نظام البوصلة
شمالى- جنوبى- شرقى – غربى
الشمالى شخصية قيادية و قوية رائعة, بيحب يقود لأنه واثق من قدراته و من ذكاءه, و عارف انه دايما بيشوف الصح و بيقدر يعمله, حاسم و مبادر و فعلا يعتمد عليه, متحمل للمسئولية جدا, فعلا شخصية جديرة بالإعجاب.
بيحب الحسم والسيطرة
عنده قوة إرادة وقدرة على القيادة فى أصعب الظروف
واثق فى نفسه
لكن عنده بعض العيوب اللى لازم يحاول يسيطر عليها, مثلا التحكم والتمركز حول الذات, بيبقى صعب عليه شوية يفكر فى إحساس الآخرين. بيفكر فقط فى الصح اللى المفروض يتعمل ( من وجهة نظره) و مش بينتبه لمشاعر أو رغبات الآخرين.
وهنتكلم كمان عن الجنوبى ، الكيوت الحبوب الطيب الغلبان ساعات, لطيف و ودود جدا و بيحب الناس
بيميل إلى الراحة والاسترخاء.
اللى بيصاحب كل الناس
مستمع جيد ومتعاطف، عشان كده الناس بتحبه وترتاح له
ولا يميل للصدام مع الآخرين
متعاون وكريم وصبور وهادى
لكن عيبه انه تنقصه الإرادة و القيادية, اعتمادى و متذمر و أحيانا ضعيف الشخصية
أما الشرقى ده الدقيق المنظم الراسى الراكز اللى عايز كل حاجة صح و على أكمل وجه
مش بيحب يندمج مع الناس
بيركز فى التفاصيل جدا وبيحلل كل حاجة
متحمل للمسئولية جدا
متحفظ فى كلامه وفى تصرفاته وتقليدى جدا
الدقة والنظام والتخطيط مهمين جدا عنده
بس ساعات من كتر دقته بيضغط على اللى حواليه لأن معاييره عالية جدا, و بيبقى مش قادر يتقبل الاختلافات بين البشر لأن وجهة نظره واحدة و محددة.. ده غير أنه هو نفسه بيتعب من كتر التفكير والتحليل
وأخيرا الغربى هو المغامر الجامح الجرىء المبدع, شخصية جذابة جدا
مش بيحب من المخاطر، بيحب المغامرات
اجتماعى ومرح ومتحرر
مبتكر جدا وعنده أفكار لا تنتهى
شعلة حماس وسعادة وفرفشة
لكنه أحيانا متهور و مندفع و كل همه يجرّب حاجة جديدة من غير مايحسبها صح
.........................................................
ازاى أقدر أستفيد من البوصلة؟
البوصلة بتعرفنى طباعى
وطباع الآخرين اللى باتعامل معاهم
بتعرفنى هم شايفيننى ازاى
ايه اللى بيضايقنى منهم ... وليه
وايه اللى بيضايقهم منى ... وليه
وازاى أقدر أتعامل مع كل نمط
وكمان ازاى أقدر أطوّر شخصيتى
