يعطيكي العافية انا رمزي عناب وبالفيديو هاد حشرحلك شو هيا الدوره هاي عشان اتكون عارف قبل ما اتسجلي.

الدورة مكونة من جدول تدريب بالمنزل بأستخدام الدامبلز وجدولين تغذية.

جدول التدريب عباره عن فيديوهات مصور فيها كل يوم شو تلعبي مع شرح كل تمرين، الدورة مافي فيها متابعة ولكن ابتقدري تسأل اسألة.

الجدول التدريب لح يكون 4 ايام تدريب بالاسبوع بطريقة البش بل لجز يعني يوم لعضلات الدفع يوم لعضلات السحب يوم لعضلات الرجلين واليوم الرابع لح يكون تمرين لعضلات المؤخره.

بالدوره هاي لح تحتاجي 2 دامبلز من اللي بتفكفكو وبتركبو يعني الي اوزانهم متغيره. ليش لأنو في تمرين لح نحتاج فيها اوزان خفيفة زي تمرين الفلاي جانبي وفي تمرين تانية بدها اوزان متوسطة زي تمرين الباي، وفي تمرين للظهر ورجلين بدها اوزان ثقيلة.

قديش اثقيلة يعني ، الدامبلز الوحدة بدو يكون وزنها كامل من 10 – 15 كيلو.

اما اول جدول تغذية فهو موجه للشخص الي انحيف ونسبة الدهون بجسمو كثير قليلة وهدفو يضخم + مكملات غذائية اختيارية مش اجباري تستخدميها عشان تشوفي نتائج.

ثاني جدول تغذية موجه للي عندو بجسمو نسبة دهون متوسطة حوالي ال30 بالمية وهدفو يقلل نسبة الدهون ويرفع نسبة العضلات + مكملات غذائية اختيارية مش اجباري تستخدميها عشان تشوفي نتائج.

تنويه هام .الدوره هاي مش لحدا عندو نسبة دهون عالية فوق ال 35 بالمية وبدو ينحف الدوره هاي هدفها الاساسي بناء العضل مش تنحيف.