من أهم الاسئلة اللي بتشغل بال طالب الطب، بالذات في السنين الأخيرة من الدراسة في كلية الطب هي: إيه التخصص الطبي اللي هأتخصصه لما أتخرج.. وفي أغلب الأحيان بيكون كل تركيز الطالب أو الطبيب حديث التخرج في إجابة سؤال واحد: هأتخصص في الباطنات ولا في الجراحات.. لكن الحقيقة عملية اختيار الكارير والتخصص بعد التخرج تعتمد على اجابة تلات اسئلة كبار وهما موضوع الكورس بتاعنا، وسؤال باطنات ولا جراحات مش اول سؤال فيهم..

السؤال اللي لازم نجاوبه الأول هنا هو :هو أنا فعلا يناسبني إني أشتغل كلينشيان أصلا ولا لأ.. كل اللي دخلوا كلية الطب كانوا شايفين نفسهم بعد التخرج كلينشيانز بيكشوفوا على مرضي او جراحين بيعملوا عمليات.. لكن في الحقيقة مش كلهم مؤهلين بحكم فطرتهم وتركيبة شخصيتهم فعلا لمهنة كلينشيان.. لو عاكست فطرتك وإستعدادك النفسي لمهنة معينة، واشتغلت شغلانة مش انسب حاجة ليك، هتتعب فيها، ومش هتكون منتج، وطبعا عمرك ما هتكون متطور فيها ومبدع... عشان كده إحنا في كورس اختيار الكارير والتخصص، بنساعدك تتأكد اذا كانت مهنة كلينشيان مناسبة فعلا ليك ولا لأ... بنشرحلك كل متطلبات مهنة كلينشيان وانت هتشوف نفسك فيها او متشوفهاش وتاخد قرارك على الاساس ده.. ولو طلعت مش اكتر مهنة مناسبة ليك، بنعرفك على مجالات تانية كتيرة جدا، كلها مش كلينيكال لكن لسه مرتبطة بدراسة الطب.. أما لو لقيت ان مهنة كلينشيان هي المهنة المناسبة جدا لشخصيتك .. فساعتها بنروح للسؤال التاني ... إيه الكاتيجروي اللي مناسب ليك من الكاتيجوريز الكبيرة بتاعة التخصصات الكلينيكال، والكاتيجوريز الكبيرة على فكرة مش فقط اتنين، اللي هما باطنات أو جراحات.. لأ، هما في الحقيقة خمسة: أول حاجة باطنات، التانية: جراحات، التالتة: تخصصات خليطة بينهم، رابع حاجة طب اسرة ونفسية وآخر حاجة طب طوراىء وحالات حرجة.. كل كاتيجوري من دول محتاج شخص له تركيبة مختلفة عن التانية..

تالت وآخر خطوة هي انك تختار اسم تخصص معين تتخصصه من بين التخصصات المختلفة داخل الكاتيجوري الكبير اللي انت اخترته... هنا بقى بنوزن مجموعة من العوامل اللي ليها علاقة بظروف التخصص زي مدى تيسر تفوقك فيه وظروف المكان اللي هتشتغل فيه ومتطلبات اخرى ممكن التخصص ده بالذات يحتاجها منك ونقرر على اساس العوامل دي ايه انسب اختيار لينا في المستقبل.

دول التلات اسئلة الكبيرة اللي بيشكلوا خريطة اختيار التخصص وطريق الكارير لأي طبيب بعد التخرج واجاباتهم هي كورس اختيار التخصص المناسب للأطباء.

كورس كيفية اختيار التخصص كورس موجه لأي خريج كلية طب في اي بلد في العالم..

انا د. حاتم العيشي، أستاذ الروماتيزم بجامعة القاهرة ومتخصص في تدريس السوفت سكيلز للأطباء.. أهم الكورسات اللي بأدرسها إدارة العيادة الخاصة، تسويق العيادة الخاصة، خدمة العملاء في المجال الطبي، التخطيط الإستراتيجي، القيادة، العمل في فريق، وأسس التواصل بين الطبيب والمريض، التخطيط للمستقبل وكيفية اختيار التخصص الطبي بعد التخرج في كلية الطب.