في الكورس ده انت بتتعلم الادوات الاساسية اللي ممكن تصمم بيها اي نظام يناسب الشغل المطلوب منك وفي بعض التطبيقات العملية اللي هتلاقي فيها مجموعه من الافكار لبعض التصميمات كنموذج ليك للي ممكن تبتكره

احتراف الاكسيل من اقصر واسهل الطرق اللي ممكن تفتحلك ابواب شغل كتير

لان تقريبا مفيش مكان مش بيحتاج البرنامج

والبرنامج يعتبر اداة ابداعية بمعني انك ممكن من خلال البرنامج تعمل تطبيقات للتليفون مثلا

يعتبر البرنامج موسوعة في اكتر من علم هتلاقي الاحصاء والمحاسبة والرياصيات وغيرهم كتير

انا بسلط الضوء من خلال الكورس علي الادوات العامة في البرنامج وازاي تستخدم الادوات الاكثر انتشار او الاساسيات اللي من خلالها تقدر تعمل حاجات كتيرة اهمها هدف الكورس الاساسي انشاء التقارير

كمان الكورس مقسوم لجزئين مهمين الاول هو ادخال البيانات والتاني هو اساسيات عمل تحليل بيانات

مجال ادخال البيانات حاليا بقي من اهم واسهل المجالات المنتشر فيها الشغل حاليا وخاصة الفريلانسر والمجال ده بيعتمد علي التنسيق وده مشروح بشكل سهل وفي خلال دقايق بتكون احترفته

لكن المهم انك تتدرب علي الكتابة وكل ما هتزود مدة التدريب كل ما هتكون النتايج افضل بكتير

تحليل البيانات من اكتر مجالات الشغل حاليا زادت في رواتبها وده لان المحلل للبيانات هو يعتبر الحلقة الاساسية في عملية اتخاذ القرار وطبعا هنا في الكورس بديك الاساسيات وهي الدوال الاكثر انتشار وشهرة في البرنامج واللي عن طريقها بتحول البيانات لمعلومات دقيقة ممكن الاعتماد عليها

وطبعا في طريقة كتابة التقرير عن طريقة استخدام اداة التنظيم والتحليل

وده اداة عملية جدا في تنسيق واعداد التقارير بشكل عملي مفيد جدا للادارة العلي والمتوسطة ومرن جدا في الاستخدام

وده كل محتوي الكورس

اتمني ان الكورس يكون بيفتحلك الباب للابداع في مجال البيانات