أنا عماد البلوي، طالب هندسة برمجيات في جامعة الملك فهد للبترول والمعادن، في هذي الدورة كنت طالب قبل ما أكون معلم لأني قاعد أبحث وأتعلم قبل و بعد كل درس، حاولت اني الخص وأبسط كورسات الجافا اللي اخذتها بالجامعة و أخليها مناسبه جداً للمبتدئين والمتوسطين في عالم البرمجة، استمتعت جداً في تقديم هذي الدورة لأني اعتمدت بشكل كامل على الجزء العملي فقط وابتعدت عن الجزء النظري، الدورة ايضاً تحتوي على مشاكل وتحديات برمجية كثير بعد كل مفهوم عشان تعرف كيف تستخدم المفهوم بالطريقة الصحيحة، يعني اشرح المفهوم بعدين احل مشكلة برمجية على هذا المفهوم والموضوع تراكمي . خلني اشرح لك اكثر ، يعني بعد ما شرحت المفهوم الأول سويت برنامج او حليت مشكلة برمجية تعتمد على المفهوم الأول فقط ، اما بعد المفهوم الثاني سويت برنامج يعتمد على المفهوم الأول والثاني الى ان توصل لمرحلة تحل مشاكل برمجية كبيره باستخدام مفاهيم مره كثير ، وبكذا ضمنت انك فهمت كل المفاهيم وعرفت طرق استخدامها الصحيحه . في بداية الدورة كنت أشرح بشكل مبسط جداً حتى تناسب المبتدئين والمتوسطين في عالم البرمجة، بعد كذا الشرح بدأ يسرع وصار مختصر وبسيط قدر الإمكان حتى مايكون فيه ملل وبنفس الوقت تفهم مره كويس . أتمنى أن تشاركوني تعلمي ومتعتي في هذي الدورة وكلي أمل أن تنال على رضاكم وتكون مرجعكم في لغة الجافا.