لما تتقابل مع حد لأول مرة، أو حتى لعاشر مرة، لازم قبل ما تبتدى فى الكلام الجد-اللى هو هدفك من اللقاء- تدوّب الجليد اللى بينك وبينه. وده اللى بيتحقّق من خلال side talks، الأحاديث الجانبية أو ما يسمّى بكسر الجليد.
بالبلدى: تدردشوا شوية مع بعض فى أحاديث ودية.
إيه أكثر مواضيع تخلّى اللى قدامك يفتح معاك فى الكلام، الموضوع اللى يخلّيه على طول يخش معاك ويتعرّف عليك والدنيا تبقى أسهل؟؟
1- محظورات الحديث (6 ألغام)
اكتبوا كده Don't الحاجات اللى محظور إنّك تتكلّم فيها.
اللى مينفعش أتكلمّ فيه حاجات اللى بنسمّيهم ألغام الحديث؛ إنك ماشى فى الحديث زى الفل بس فى أى لحظة ممكن يفرقع فى وشك، وتخسر كل حاجة.
دايما، لو واقف فى قطر، أو محطّة أتوبيس، لو أول مرة تشوف حد، مبيبقاش بينكم موضوع مشترك؛ فتيجى مثلا تقولّه: بتتكلموا فى المواضيع اللى حضراتكم قولتوها؛ والمواضيع دى ممنوع نتكلّم فيها؛ وهى:
2- الأساليب الصحيحة لبداية اللقاء (6 تقنيات)
ابتدينا بالحاجات اللى منتكلّمش فيها!! يبقى المفروض بقى نشوف الحاجات اللى نتكلّم فيها
من أشهر الحاجات اللى الناس بتعمل بيها Ice Break مع أى حد (الجو) يااه الدنيا حر أوى.. ياه الدنيا برد أوى.. ياه الشمس مغيّمة أوى!! وده صح مفيهوش مشكلة!! بس قديم أوى!! إنما فيه حاجات أحدث شوية..
فيه 4 استراتيجيات نفسية؛ اللى همّا إيه؟؟
المجاملات
التعاطف
المرجعية
o وزى ما الشركات العالمية بتستخدمها فى إعلانات التليفزيون، بيّاع الأقلام فى المترو برده بيستخدمها!! طلع المترو اتكلّم عن مميزات وسعر القلم، محدّش كان فاضيله أو مهتم بيه. لقيته إدّى ضهره للناس، ووشّه ليا، ولقيته بيقول: وآّدى اثنين عند الباشا.. وأنا متنّح لأنى مشترتش حاجة منّه!! وراح ركن ثانى وقال: وكمان خمسة للأستاذ هنا!! وأنا واللى حواليا مستغربين، لغاية ما ابتدى يتحرك ويقول: مين ثانى يا باشاوات، فانهالت عليه الطلبات.. الناس اتشجّعوا وابتدوا يشتروا!!
وأخيراً: إظهار أوجه التشابه بينك وبينه
دى استراتيجية تمشى مع كل الناس _ يقولّك: الطيور على أشكالها تقع.. لقوا إن كل الناس بتحب تتعامل مع ناس شبهها.
o حضرتك مهندس؟ أنا جوز أختى مهندس. سافرت الكويت؟ خالى كان هناك عشر سنين. بنت حضرتك اسمها نور؟ على اسم ابن أختى....إلخ . الناس بتفرح بالكلام ده جدا، وبتحس إنكوا قريّبين من بعض.
